ایاق

1. اونون آیاغینین توزونا دا چاتماق اولماز.
2. اونون آياغي آلتين ائشن وار.
3. ایاغ یالین سؤزه قاچیر.
4. ایاغی یانیق ایت کیمی.
5. ایت چاریغی اوغورلویار، اؤزو آیاق یالین گزر.
6. ایکی آیاغین کئچیردیب یا سوخوب بیر باشماغا.
7. آونا اوقه­در باخما کی، دوشسون آیاغین آلتینا.
8. آیاغ ایسلاممایینجا بالیق توتولماز.
9. آیاغیم آلتیندا اوت بیتدی. ^{(انتظار طولانی شد)}.

10. آیاغین قویوب قوهون قابیغی اوسته.

11. آیاغینین بیری بو دونیادا٬ بیری او دونیادا.

12. آیاق بیر-بیر قویارلار نردووانا!

13. آیاق یالین تیكان درمك چتیندیر.

14. بوش چووال آیاق اوسته قالماز.

15. چای قوشو، آیاغیلا توتار.

16. دولانان آياغا داش ده‌ير.

17. طاووس هر یئرینه باخار سئوینر، آیاغغینا باخار آجیغی توتار.

18. قیچیمین بیری بودونیادا، بیری او دونیادا.

19. يورغانينا گؤره، قيچيني(ایاغیوی) اوزالت.

اوز

1. او اوز سنین٬ بو اوز منیم!
2. اوتانان, اوزونه الک توتار.
3. اوز- اوزدن اوتانار.
4. اؤز آیاغینین اوسته دور.
5. اوز ده خالا، دال ¬دا بالا.
6. اوز دئییل، آیاق داشی دیر.
7. اوز وئردیک آستارین­دا ایستیر.
8. اوز وئرسن قوهوملوق ساواشی^(ادّعا) ائلر.
9. اوزکي وار اتدندی.

ال

1. ال٬الی یویار٬ ال ده دؤنر اوزو یویار.
2. ا­لی اله وورسان سس گلر.
3. ا­­لی ایشین ایچینده دیر.
4. ا­لی آجیندان^{(دونیادان)} اوزولوب.
5. ا­لی آغزینا یئتیشیر.
6. ا­لی بوش درویش، ایلهام آلار حاقدان؛ غنی سلطان آسلانی تاختان.
7. ا­لی بؤیوکلر اته­یینه چاتیب.
8. ا­لی دولویا دئیرلر، بویور ایچری.
9. ا­لی سینان ایش گؤره بیلر، اوره­یی سینان یوخ.

باش

1. آرتیق تاماه­لیغین، باش یاریلماسیدا اولار.
2. آرواد مالی٬ باش توخماغی.
3. آزاجیق آشیم٬ آغریماز باشیم.
4. آغیلی، باشیندان اوچوب.
5. اؤكوز اؤزونه یونجا (كوروشنه) اكنده باشی آغرییار.
6. اولار آشیم سویو٬ اولماز باشیم سویو.
7. اویوندا، باش دا سینار.
8. آیاق قابی^{(باشماق)} دار اولاندا، آجین^(دونیا) باشا دوستاق اولار.
9. ایت ساخلا، باشونو گمیرسین.

آغیز

1. اسؤزو آغیزدا پیشیر سونرا ائشییه چیخارد یا دئ.
2. اولاد تورش آلچادیر٬ گؤره نین آغزی سولانیر٬ یئیه نین آغزی قاماشیر.
3. ایتین آغزی بینالی^(همیشه) آچیق اولار.
4. ایكی آروادلی كیشىنین آغزینین دادی اولماز.
5. ائل آغزی٬ چووال آغزی.
6. آچیق آغیز آج قالماز.
7. آزاجیق آشیم٬ آغریماز باشیم.
8. آش یئمه­دیک آمما آغیزیمیز یاندی.
9. آغزین بوزا چکدیلر

10. آغزین پیچاق آچانمیر

11. آغزینا پوخ دولدوروب

12. آغزینا سؤز قویوبلار.

13. آغزینا شر سؤزو گتیرمه.

14. آغزیندان، سوت اییی گلیر.

15. آغزینی باتیردین حاراما، چؤمچه­نی دولدور قالاما.

16. آغزینی خئییره آچ.

17. آغزینین سویو آچیلدی

18. آغیزی آشا یئتیشنده، باشی داشا یئتیشدی.

19. آغیزی چؤره­یه یئتیشیب.

20. آغیزیما داش- تورپاق.

21. بیر آغیزدان چیخار، مین آغیزا یاییلار.

22. پیشییین آغزی اته یئتیشمز، دئیر میرداردیر.

23. تیکه­نی الین بوراندان سونرا آغزینا قویور.

24. چؤره­یی چینه­ییب آغیزا قویمازلار یا چئینه تؤک آغزینا.

25. سؤزو آغیزدان چیخاندان سونرا، بیرده یئرینه قاییتماز.

26. سئوینن قوردون آغزی باغلی قالار.

27. غ-بال- بال دئمک ایله آغیز شیرین اولماز.

28. قسمت اولماسا دوشر آغیزدان، قسمت کاکانی چکر ساققیزدان.

29. ماسا، آغیزلارا دوشمز.

بایاتی های زیر در جداول بالا نیامده و علت نیز استفاده از چند عضو بدن در هر بایاتی می باشد.در بایاتی های هر عضو به شماره بایاتی این جدول مشترک در بند ملاحظات اشاره شده است

1. اتوروبسان داش اوسته*چال پاپاغین قاش اوسته*سن هاچان گوُز قاش ایله دین*من دئمه دیم باش اوسته.
2. استکانین بولولدان*ایسترم جان-دیلدن*گتیر جناق چکیشک* سن دوداقدان من دیلدن.
3. اغزیم آچا بیلمیرم*یولدان قاچا بیلمیرم*بئلیمده هجران یوکی*آتیب قاچا بیلمیرم.
4. امرود آغاجی هاچا*الیم دولاشدی ساچا* بیر مرد اوغلان ایسترم، منی گوُتوره قاچا.
5. او قارا اوزده نه وار*یاد دیین سوُزده نه وار*گوُزل گوُرمک صاوابدی*قوی باخیم گوُزده نه وار.
6. اوُزولموشم اوُزولموش*خمار گوُزلر سوزولموش*واردی بیر منیم کیمی* الی-الدن اوزولموش.
7. اوزونده خالدی سنین*یاناغین آل دی سنین*شکر شربت یانیندا*دوداغین بالدی سنین.
8. اوزویون قاشی منم*اوستونون داشی منم*غربتده آغلایانین* گوُزونون یاشی منم.
9. اوزویونده قاشام من*ایگیدلیکده باشام من*یاخشی گونده گز دولان* پیس گونده یولداشام من.

10. 

1.          باغا سو دوشدی نیلیم*آغاجلار ایشدی نیلیم* کیپریکرلین اوخ کیمی* قلبیمی  دئشدی نیلیم.

2.         سوگله ر داشا دگر*کیپریکلر قاشا دگر*یارین بیر جوت ئوپوشی*قوهوم-قارداشا دگر.

3.         عاشیقین چوخدی سنین*کیپریگین اوخدی سنین* دردین منی ئولدورور* خبرین یوخدی سنین.

4.         عزیزیه م یاری تر*یاری غنچه یاری تر* کیپریک چالما گوُزلیم*کولگه سالسین یار ایتر.

5.         اشتراک کلمه کیپریک با سایر اعضا (140-129-113-99-86-84-52-16)جمع آوری و تدوین کرم زاده دیزجی

1.         اصلیم قارا باغلی در*سینه م چارپاز داغلی در* نه گلن وار نه گئدن* یوخسا یوللار باغلی در.

2.         آغ چوخان آغلی قالسین* بوخجادا باغلی قالسین*منی سندن ائده نین* سینه سی داغلی قالسین.

3.         باغچا منده باغ منده*هیوا منده نار منده*سینه م عطار دکانی* هر نه دئسه ن وار منده.

4.         بئله آغلاماق اولماز* سینه داغلاماق اولماز* عهده وفاسیز یارا* اوره ک باغلاماق اولماز.

5.         پنجره ده پرده من*دوشدوم یامان درده من*ئورگتدین سینه ن اوسته* نئجه یاتیم یئرده من.

6.          داغلار منه قار گوُندر* اسیرگمه وار گوُندر* آچیلمامیش سینه دن* ال دگمه میش نار گوُندر.

7.         دریا درین جومارام*می ایچمیشم خومارام*ئورت ممه نین اوستونی*من سوبایام اومارام

8.         سن منی آغلار قویدون*سینه مه داغلار قویدون* ییخدون آتام ائوینی*قاپیسین باغلار قویدون.

9.         سویون بندینه قوربان*یارین فندینه قوربان*اوردان گئچه ن مارالین*سینه بندینه قوربان.

10.       عزیزیم چن گله*دومان گله چن گله*کتان کوینک شوخ ممه*هاردا گوُرسن چنگله.

11.       عزیزیم سینه-سینه*صیاد گز سینه-سینه*مجنون گوُیلوم بند اولوب* لیلی نین سینه سینه.

12.       قوُرون یئره باخندان*سو کیمی لام آخاندان* گیزلتمه شوخ ممه نی*قوُی گوُرونسون یاخاندان.

13.       گون گئتدی یاتان یئره*حوریلار یاتان یئره*سینه می نشان قویدوم*یار اوخون آتان یئره

14.       من عاشیق قارا باختم* آغ اولماز قارا باختیم*ممه ن یادیما دوشدی* آغاجدا نارا باخدیم.

15.       من عاشیق یازی آغلار* کاغاذدا یازی آغلار* عاشیق غمدن اوخویار* سینه ده سازی آغلار.

16.        اشتراک کلمه سینه، ممه، دوُش با سایر اعضا (134-128-115-112-108-97-90-67-57-47-20-19) جکع آوری و تدوین کرم زاده دیزجی

1.         آغدامین یوللاریندا*بند اولدم کوللاریندا* بیر جوت قولباغ اولایدیم* یارمین قوللاریندا.

2.         بوداغدا قوزغون گزر* قانادی پوزغون گزر*آغاسی گوجلو اولانین* قولی قودورغون گزر.

3.         عزیزیم خسته دوشدوم*ییخیلدیم خسته دوشدوم*فلکین دوستاغینا* قوللاریم بسته دوشدوم.

4.         عزیزیم مشکل آجار*بیر بوداق اُوچ گول آچار*یاپیش قولسوز عباسدان* او یاخشی مشکل آچار.

5.         غربته دوشدی یولوم*دشمن آلیب ساغ-سوُلوم* ائلدن آیری دوشه لی* بوروخولانیب قولوم.

6.          غربته دوشدی یولوم*دشمن آلیب ساغ-سولوم*ائلدن آیری دوشه لی* بوخولان یبدی قولوم.

7.         قولاریم باغلادی یار* اُوره ییم داغلادی یار*گئدیب غربته قالدیم* یاش توُکیب آغلادی یار

8.         قولباغدا اینجی منم*لعل منم اینجی منم*وفالی یار یولوندا* جان وئرسم اینجی مه نم.

9.         گئدن گئتمه ایشیم وار*زرگرده گوموشوم وار*غریب غربت ئولکده*قولی باغلی قوشوم وار.

10.       یتیمم آتام یوخدور* غریبم بوتام یوخدور*دوشدوم غم دریاسینا* قولومدان توتان یوخدور.

11.       اشتراک قول با سایر اعضا (164-161-150-125-117-100-65-53-34-30)جمع آوری و تدوین کرم زاده دیزجی

1.          استکانین خاش-خاشدی* نعلبکی سی تیراشدی*بیر دانا یاریم واردی* اوجا بوی قلم قاشدی.

2.         بو کندین یولی یاشدی* یاغیش یاغیب یئر یاشدی* هامینین یاری گوُزل* منیمکی چاتما قاشدی.

3.         تبریز اُوسته آجی وار*قاشلارین قیقاجی وار*سئون سئونین اولسا*کیمین کیمه گوجی وار.

4.         عاشیق مینایه دگر*قاشین مین آیه دگر*آی وار بیر گونه دگمز* گون وار مین آیه دگر

5.         عزیزیم قاراسینا*قاشلارین آراسینا*قوی آنان قربان اولسون* اوره گین یارا سینا

6.          عزیزیه م آی قارداش*قاش اوجی یای قارداش*)ئولسه باجیلار ئولسون*هئچ دئمه سین وای قارداش.

7.         غریب یئره داش آغلار*قلم آلتدا قاش آغلار*سئوگی سی گئدن قیزلار، هامیدان یاواش آغلار.

8.         قارا آت نالی نئیلر*قارا قاش خالی نئیلر*وفالی یاری اولان*دولتی-مالی نئیلر.

9.         قیزیل اوزوک قاشییام*سونالار قارداشییام*هر ایشده الیم واردی* قاچیتماقدا ناشییام.

10.       کهلیک داشدا نه گزر*قلم قاشدا نه گزر*سن تک یاری اولانی* عقلی باشدا نه گزر.

11.       یئری-یئری نادان یار*قاشلارین اوینادان یار* سن کی بئله دگیلدین*سنی بیر ئورگدن وار.

12.       پاپاغین قاباغی دوز*دالی دوز قاباغی دوز*دنیا سندن کیم گئچدی* قاشی دوز قاباغی دوز.

اشتراک کلمه قاش با سایر اعضا (173-162-155-151-145-142-140-139-138-126-116_115-113-110-104-103-99-93-91-86-84-74-64-60-59-54-52-50-49-47-44-40-36-32-31-29—28-16-13-9-8-1) جمع آوری و تدوین کرم زاده دیزجی

1.          سو ایچیردیم چاناخدان*بال سوزولر دوداخدان* ئوزوم گله بیلمیرم* سلام واریم اوزاخدان

2.         طرلان گلیب بو باغا* فونور بوداق-بوداغا*ئولموش اولسام دیریللم& دکسه دوداق-دوداغا.

3.         عاشیغام یارا منده*سیزیلدار یارا منده*ئولی اولسام دیریللم*لبیمدن یار امنده.

4.         گل گئدک بیزیم باغا*قویاق دوداق_دوداغا*بولبول اولاق اوحویاق* قوناق بوداق-بو.داغا.

5.         من عاشیق گئجه منده*درد آرتدی گئجه منده*دوداقلاریم تیتره ییر* لبیندن گئج امنده.

6.         من گلیردیم بولاقدان*یاریم چیخدی قاباقدان*یالواردیم آخر آلدیم* بیر ئوپوش بال دوداقدان.

7.         شتراک کلمه دوداق ،لب با سایر اعضا (154-146-111-89-81-55-33-14-7-2)جمع آوری و تالیف کرم زاده دیبزجی

1.         اولدوز کیمی آخاندا* یاندیراندا،آخاندا* نه اولار بیر گوله سن* من اوزنه باخندا.

2.         ائولری کوندلن یار*منه گول گوُندرن یار*گولون پاییزا دونسون* مندن اوز دوُندرن یار

3.         آغ آلما آللانیبدی*آغاجدان ساللانیبدی* من سنه نه دئدیم یار* گول اوزون خاللانیبدی.

4.         آیا باخ اولدوزا باخ* دامدا یاتان قیزا باخ*قیزآللاهی سئویرسن* دُندر اوزون بیزه باخ.

5.         بستان اکدیم تاغ اوزده*آیران آلتدا یاغ اوسته*من سنه دیئدیم کی*من سنه نه دئدیم کی* تر گوُروندی آغ اوزده.

6.          بوداغدا آری اولماز*داغلارین باری اولماز*ایکی اوزلی عاشیقین*وفالی یاری اولماز.

7.         بوداغدا یوشان بیتر* آلتیندا دوُشان ایتر* من یاریما نه دئدیم آغ اُزونده دوردی تر.

8.         بولود یوخ باخ سمایا* اولدوز تک آخ سمایه* ذره جه اوزون گوُرسم* کافرم باخسام آیا.

9.         داغدان گلر سئل آخار. یارگول دره رگول تاخار. ایگیت اوز_اوزه گلسه. بیر بیرینه دیک باخار.

10.       داغلار باشی توتوندی*کیمین قلبی بوتین در* اگیل اُوزوندن ئوپوم، دنیا ئولیم ایتیمدی.

11.       داغلارین او اوزوندن*جیران اوتلار دوزونده* من یاریمی تانیرام* قوشا خال وار اوزونده.

12.       درد منده اوز گوُروبدی*میدانی دوز گوُ روبدی* گئدر-گئدر قاییدیر* منی یالقیز گوُ روبدی.

13

1.          اووچودا آمان اولور*الینده کمان اولور*اوخ آتما یار قلبینه، اوخ دگسه یامان اولور.

2.         اووچولار دوران یئرده*یای- اوخون قوران یئرده*گوُروم الین قوروسون*منه اوخ ووران یئرده.

3.         ایپک دستمال الیمده*سال یئریمی سرینده*بیر دسته گول اولایدیم*سئوگولومین آلینده.

4.         ایشینی آل اله سن*عمری وئرمه یئله سن*هر ایشده صبرلی اول*پیشمان اولار تله سن.

5.         آمان آمان الیندن*دوشور کمال الیندن*جانیم فغانا گلدی* آخر زمان الیندن.

6.          بو داغی آتیلایدیم*قول اولوب ساتیلایدیم*وفاسیز یار الیندن*ئولیدیم قورتولایدیم.

7.         بو گلن آه گتیرر*گاه توتار گاه گتیرر*الی یاردان اوزلن*کیمه پناه گتیرر.

8.         بیرقوشام قانادیم وار*ائیل-اوبادا آدیم وار*الینی اُوزمه مندن،قوهوم دان چون یادیم وار.

9.         چای آشاغی بوز گلیر*دسته-دسته قیزگلیر*بیر الینده شیش کباب*بیر الینده دوز گلیر.

10.       چای دربندی گئچیلمز*سو سربندی ایچیلمز*دئییرلر یاردان ال چک*یار شیریندی چکیلمز.